.jpeg)
ضاجعت أمه جنديا كيما يصير هو واحداً
ولكنه كان يعاني من الاكتآب
وكمحارب يبحث عن القتال حتى لو مع ذبابة وجه رجل يقف جواره ، ومكتأب لا يرى فائدة حقيقية من كل هذا
وكيما لا يُقال عليها عاقراً، وكيما تدرك فيما بعد أنه ليس هناك وظائف شاغرة لجندي فاقد الشغف من أب جندي
وُلِد دون كيخوت
ليه بقى الكلام ده كله واللزوميات وما يلزمها
علشان هي الطبيعة كدة وقوانين التطور بتنص على كدة، أنت ك ذكر، غير مهم، ذكر واحد و عشر إناث هيجيبوا نفس عدد الأطفال اللي هيجيبهم عشر ذكور وعشر إناث
بس ذكر واحد و أنثى واحدة غير ذكر واحد و عشر آناث، كل ما تزود عدد الإناث هيزيد عدد الأطفال بنفس المعدل تلقائيا. علشان كدة الذكر طول الوقت بيحاول يخصّب أكبر عدد من الإناث، إنما الأنثى بتدور على الذكر إلي يستاهل تستهلك مواردها علشان تمرر چيناته للجيل الجديد
علشان كدة الأنثى العاقر اللي مبتجيبش عيال، مالهاش قيمة، والذكور رخيصة بنرميهم في الشغل الخطر والجيش والحروب والكوارث، إنما الإناث من الغنايم.
في معلومة خاطئة إن الحيوان المنوي الأقوى هو اللي بيخترق البويضة بعد ما يزق الحيوانات المنوية الأضعف، الحقيقة إن البويضة هي اللي بتنقي الحيوان المنوي المناسب على حسب المطلوب والأصح والأصلح، يعنى لو مثلا عدد الذكور الموجودين في المجتمع أكتر من عدد الإناث، بنلاقي إن المواليد الجديدة معظمها إناث، وهكذا في باقي الصفات، الأنثى -بغير إدراك- بتختار الأصلح من وجهة نظرها وعلى حسب مستواها وفهمها، حتى لو متجوزتهوش ف هتفضل يعجبها وجواها عارف إن ده إللي عايزة تتزاوج معاه وتجيب منه أطفال حتى لو مش هتاكله أو مش هيبنيلها العش و يحميها هي والأطفال، ده بيحصل غصب عنها بغير وعي.
ده سبب الخيانات الكتير اللي بتحصل في مختلف الفصائل من طرف الأنثى
هي عايزة ذكر يبني العش ويفضل ملتزم بحماية الأطفال، بس جسمها كله عايز واحد تاني بالنسبالها "أصلح" من وجهة نظر التطور
ولأجل هذا .. خيانة الأنثى طعنة في صدر الراجل و ضهره و ذكورته، إنما الراجل رمرام بطبعه و الأنثربولوچي بيبرر رمرمته
وعلشان الذكر "الأصلح" ده بيلاقي فرص سهلة وغير مكلِّفة للتزاوج علشان معظم الإناث عايزاه لإن چيناته مطلوبة من التطور شخصياً، مبيبقاش مضطر يدفع نفس التمن اللي بيدفعه أي ذكر تاني غيره، ذكر الخنفسه المرغوب فيه، بيتزاوج مع إناث عادي منغير ما تاكله، و يخصبهم، والأنثى بعد ما تتأكد من نجاح عملية التخصيب، بتتزاوج مع ذكر تاني وتوهمه إن هو إللي خصبها و تاكله بعدها علشان تغذي أطفال الذكر الأصلح من وجهة نظر التطور
و هو بيبقى مبسوط إن أخيراً في أنثى وافقت تتزاوج معاه لإن الذكر بيعيش ويموت علشان اللحظة دي
والأنثى بتعيش وتموت علشان إنتقاء چينات الجيل الجديد
من هنا نستنتج إن المونوجامي أو -الزواج من شخص واحد فقط- بيخدم الذكور الغير مرغوب فيهم اللي عندهم چينات مش مطلوبة في الحياة، بدل ما ينقرضوا، عملوا قوانين إجتماعية تنص إنهم لما يتزاوجوا مع واحدة، متتزاوجش مع ذكور تاني علشان يضمن إنه مش هيبني العِش ومش هيموت نفسه علشان تكاثر چينات ذكر غيره
الذكر علشان يكون مرغوب لازم يطور نفسه وقدراته ويهتم بشكله وعضلاته و حلقة شعره وهدومه ويحدد دقنه ويلمع جزمته قبل ما ينزل كل يوم
وفي الآخر الأنثى على عاتقها مسئولية كبيرة واختياراتها مش في إيدها لإنها بتأثر في الحياة كلها
طب الأنثى بتلمع جزمتها ليه؟؟
علشان نفسها .. علشان لما تبص لنفسها في المراية و علشان أنثى الخنفساء اللي معاها في الشغل تقوللها مبروك عالأرض إيه الحلاوة دي
لإن الإناث بيغيروا من بعض وبيحبوا وقفة المراية .. لكن بالتأكيد مش بيعملوا كدة علشان الذكر
(( عمرك شفت راجل، بتاعه وقف علشان شاف واحدة لابسة جزمة نضيفة أو فستان مكوي، ولا لما عرف إن معاها ماچستير أو بتكسب فلوس كتير))
و ركز إني بقول "بتاعه وقف" مش راح يطلب إيدها أو رغب في الزواج منها .... محصلتش ومش هتحصل، كل الحاجات دي الإناث بتعملها علشان نفسها ومجتمع الإناث اللي بتختلط بيه في الصالونات ومعارض الأزياء
و لو عجبت الراجل فبتعجبه علشان معناها انها أنثى نضيفة هتاخد بالها منه ومن أولاده و هيضمن ياكل أكل نضيف وإن هدومه هنكون مغسولة و مكوية كل يوم الصبح وهو نازل يدور على إناث للتخصيب من أم خدود وردي و جسم كيرڤي جاهز للتخصيب العاجل
%20(9).jpeg)
اِمْرَأَةٌ فَاضِلَةٌ مَنْ يَجِدُهَا لأَنَّ ثَمَنَهَا يَفُوقُ اللآلِئَ : أم 31: 10
الأمهات كلها عموما ملزمة ترضع
مش الراجل هو اللي بيلزمها، بس هي ملزمة من الحياة والطبيعة كلها
ملزمة لدرجة إن كان في وظيفة زمان إسمها "مرضعة" لإن الأنثى عندها الخاصية دي اللي مش موجودة عند الذكر
زي ما في وظيفة إسمها "شيّال" علشان الذكر كتفه أعرض ودراعاته أقوى
الست تعرف تشيل عادي وبنشوف واحدة طالعة من بيتها في الغيط شايلة على دماغها سبت وصوانى وحلل فوق بعض منغير ما تحتاج تسندهم حتى .. بس الراجل ميعرفش يرضع
ذكر العصفور هو الي بيبني العش
ذكر معظم الحشرات بيتم أكله بعد التخصيب، بعد التزاوج بيفضل عايش شوية لحد ما الأنثى تتأكد من حدوث التخصيب وبتاكله بعدها عادي لإن ده دوره، إنه يموت من أجل بقاء نسله
ممكن أنثى العصفور تبني هي العش وتكمل الباقي مع نفسها لأن الذكر مبيعرفش يبيض وأنثى الخنفسة تقول أنا مش ملزمة أبيض، أنا عايزة اتتاكل زيي زي الراجل ساعتها الذكر -سعيدا- هيقوم بعملية التخصيب مجانا بدل ما كان بيدفع تمنها حياته، و يروح يقعد عالقهوة مع ذكر العصفور اللي مراته قررت تبني هي العش وكل واحد فيهم يربي كرش وميبقاش مضطر يتجمل ويرقص لإن الأنثى مشغولة بحاجات تانية و بتعمل كل حاجة لوحدها لإن هو ميقدرش يقوم بدورها فبتقوم بدورها ودوره لوحدها
ويحصل إيه لما متقومش بدورها وتقول مش ملزمة أبيض أو أرضع .. هننقرض ببساطة
ياريت والله ونخلص كلنا من الهمّ ده
الحاجة اللي اتكسرت ومش هنعرف نرجعها، إن الذكر في كل المخلوقات هو اللي بيتزوق ويتعلم الرقص ويقف على راسه علشان يعجب الأنثى وتوافق بيه
احنا كإناث الإنسان بنتخلى تدريجياً عن دورنا وبالتالي هو مبقاش بيقوم بدوره، مبقاش بيبني العش ومبقاش بيهتم بشكله ويتعلم يرقص ومبقاش بيموت نفسه علشان أطفاله
بقى بيخصب الأنثى ومستكتر يبني العش لوحده ورافض يموت "مجازاً" في سبيل بقاء النسل
ذكر الإنسان عايز الأنثى هي اللي تتزوق وتتعلم مهارات وتبني العش معاه ويتحكم في حملها وشغلها ولبسها وفكرها و يتعدى عليها بالعنف أو التحرش طول ماهو مش عارف يمتلكها، ومش عايز يضحي بحياته لنسله وبيطالبها تتجند معاه للجيش في بعض الدول .. وبعد كل ده مش عايزها تبص لذكر تاني، عايز يقنعها إن هو اللي بصباص - وده مش حقيقي الذكور غريزتهم يلقحوا أكبر عدد من الإناث بغض النظر عن شكلهم وبالتالي أكبر عدد من النسل - بس الأنثى في المطلق هي إللي بتبص لشكل الذكر وألوان ريشه وحركات رقصته وأحياناً قدراته على توفير المأوى والطعام والحماية، بس في الأصل شكله .. ومش محتاجة غير ذكر واحد في حياتها، علشان كدة خيانة الراجل ساعات بتعدي، إنما خيانة الست مرعبة
الناس اللي متخيلة إن الذكر هو اللي بيهمه الشكل
بالعكس .. أبسوليوتلي
الراجل بيحب الكيرڤات علشان ده شكل الرحم اللي بيجيب أطفال أكثر صحة ومنغير مشاكل أثناء الولادة
االراجل بيهمه خصوبة الأنثى وصحة النسل مش جمال الأنثى
ده مفهوم مغلوط
الخدود الوردي والشفايف المليانة شوية زياده عن العادي بتدل على إن الأنثى حاليا جاهزة للتخصيب العاجل لإن فترة خصوبة الإناث محددة بمدة زمنية تختلف من نوع لنوع، لكنها تبقى محددة
والأنثى المزة هي الكيرڤي اللي نفخت شفايفها بالحجم المطلوب و دايما بتحط أحمر خدود و أحمر شفايف علشان توحي للراجل -زيفاً- إنها في فترة الخصوبة، فكل ما يشوفها "يهيج ويبقى عايز ينط عليها" الذكور مجتمعين اتفقوا على مجموعة ألفاظ لوصف تلك الأنثى اللي مجنناه "حرفيا" ومخلياه كل ما يشوفها يشوف علامات الخصوبة ويبقى عايز يتزاوج، رغم يقينه زي ما قلنا إن فترة الخصوبة عند أي أنثى محددة بفترة زمنية تختلف من نوع لنوع ولكنها لازم تكون محددة
ف اللي بيحصل ده مجننه، وكل ما يشوفها في أي وقت طول الشهر وطول السنة، بيحس برغبة قوية في تلقيحها
ومع الوقت بتبقى هي الهه الخصوبة بالنسباله و بيسميها مزة أو مجموعة ألفاظ أخرى اتفق عليها مجتمع الرجال
ده سبب إن الناس فاكرة إن الراجل هو اللي بيهمه شكل الست
إنما
الست هي اللي بيهمها الشكل لإن دورها تنقي أفضل چينات للنسل اللي بتستهلك في نشأته شهور وسنين من عمرها ومواردها و -حرفيا- هي اللي بتحدد صفات الجيل الجاي
الستات لما بيلبسوا هدوم تبين إنحناءات جسمهم وتحط مكياچ أحمر، دي كلها علامات بتوحي بالخصوبة وشكل الرحم السليم القادر على ولادة غير متعثرة
إنما الست مش بتتزوق للراجل
المفروض الراجل هو الي يهتم بشكله ونضافته علشان الست تختاره وتختار چيناته لإنها غصب عنها هتبص عالذكر الأجمل ذو الإمكانيات الأعلى والقدرات الأكتر
مش السبب انها محتاجة حاجة منه
لأ، هي بتختار چينات للجيل الجاي، إنما الذكر في حد ذاته ممكن تتعشى بيه عادي هي والأطفال بعد ما يقوم بدوره في التخصيب. في معلومة خاطئة إن الحيوان المنوي الأقوى هو اللي بيخترق البويضة بعد ما يزق الحيوانات المنوية الأضعف، الحقيقة إن البويضة هي اللي بتنقي الحيوان المنوي المناسب على حسب المطلوب والأصح والأصلح، يعنى لو مثلا عدد الذكور الموجودين أكتر من عدد الإناث، بنلاقي إن المواليد الجديدة معظمها إناث، وهكذا في باقي الصفات، الأنثى -بغير إدراك- بتختار الأصلح من وجهة نظرها وعلى حسب مستواها وفهمها، حتى لو متجوزتهوش ف هتفضل يعجبها وجواها عارف إن ده إللي عايزة تتزاوج معاه وتجيب منه أطفال حتى لو مش هيفضل معاها أو مش هيصرف عليهم، ده بيحصل غصب عنها بغير وعي.
موضوع الانتقاء ده بيتجلى جدا في أي مساحة تجربة حرة بهويات مجهولة، ومنغير قيود، زي تندر مثلاً
تلاقي الأنثى عملت ماتشات لمجرد كونها أنثى منغير إسم أو صورة حقيقيين فقط لمجرد إدعاءها انها أنثى، إنما الذكر لازم ينقي صوره و يكتب كلام جذاب و بيضحك، وصوره لازم تكون متنوعة وبتبين مهاراته، بيلعب جيتار، بيركب حصان، بيروح الچيم .. وممكن في النهاية يعمل ماتش أو اتنين بعد ما فضل يقلّب في كل البروفايلات ويختار كل أنثى تيجي قدامه، في الوقت نفسه اللي الأنثى بتفضل تقلب في البروفايلات الي قدامها وتختار منهم واحد أو اتنين علشان لو الأولاني معجبهاش كفاية
الأنثى لو مش مقتنعة براجل مش هتعرف تتكلم معاه
لكن الراجل ممكن يبقى بيكلم 10 وهو مش مقتنع بولا واحدة فيهم
الفيمينزم الحقيقية هدفها الدفاع عن حقوق الست وحريتها في حياة بعيدة عن دورها الطبيعي كأم، وعدم احتياجها للراجل أو تبعيتها ليه وفي حمايتها منه، لإن الراجل بدأ يتمرع ويتخلى عن دوره في الحماية والإطعام ويفقد احتياجه إنه يهتم بنفسه وشكله ويتعلم يرقص فبالتالي هي مش ملزمة منه طبعاً بأي حاجة، هي ممكن تكون معاه علشان محتاجاه، بس طبيعتها بتخلي عينها تروح على الراجل اللي بياخد باله من شكله وبيعرف "يرقص"
الفيمينيزم إني أعرف إن كوني أنثى ده في حد ذاته قيمة، مش لازم أكتسب صفات الراجل وأقوم بوظيفته والبس لبسه علشان أكتسب قيمة زيادة
أنا أنثى .
* في دلوقتي ناس بتقول مافيش ذكر و أنثى وفي non binary .. وترانس وكويير
أنا دكتورة، بالنسبالي الموضوع بيتكون من 3 محاور
١. الكروموسومات
٢. شكل جسمك من برة
٣. شكل أعضاءك التناسلية من جوة
و على أساس توافقهم مع بعض بحدد نوعك ذكر أو أنثى أو عندك خلل.
حاسس بإيه بقى أو هواياتك أو رغباتك في لبس معين أو رغباتك الجنسية ليس له علاقة بنوعك .. وعلى حسب إعتقادك في الكلام ده بحدد هل يوجد جدوى من النقاش معاك، أم إنك مختل بالنسبالي.
