مرة واحد صعيدي شاف قشرة موز عالأرض قال: يوووه هتزحلق تاني

حدث الاسبوع الماضي أن بكابورت قلبي طفح
هذه المرة كنت أعرف تحديداً كل ما سيحدث بالداخل من لزوجة, فوقفت خارج القاعة منذ البداية, و يبدوا أن هذا لم يكن انطباعي وحدي .. كان هناك بعض أقاربي الشباب يقفون بالخارج, وسطهم لمحت ذاك الذي تحدث إليّ الاسبوع الماضي في مناسبة مشابهه, يقف معهم إبن عمتي يحمل زجاجة مشروب كوحولي شبه فارغة و الكل يأخذ
يلمح وجودي في المشهد فيقول على استحياء
-إنتي إيه الي جابك هنا
-يا عمّ عادي, معكش شوتّين ليا؟ D:
فقال هو : أنا معايا, عايزة؟
-ياريت
-معايا ازازة جين في العربية .. تيجي معايا
لمدة ثانية استرجعت مشهد ضبابي من حياتي, كنت طفلة بفستانٍ متسخ لكنه وردي اللون و شرائط بريئة تحاول تحجيم شعيراتي المتناثرة, والدتي تقف أمامي و تحدثني بصرامة: لو حد جه يديكي شوكلاتة أو حاجة و قالك تعالي معايا أوعي تسمعي كلامه, متاخديش حاجة من حد غريب
و لمدة أقل من ثانية نظرت حولي لأتأكد أنه لا أحد من عائلتي جواري و قلت
-جداً
و ذهبت معه . . ...
و لست أعلم لماذا حينما نتحدث مازال لا ينظر إليّ !!
مرحلة متأخرة من عدم الاندماج والاحتياج إليه
لذلك فقط وجدني .. و لذلك فقط وجدته
و لذلك كان شعري منسدلاً و فستاني جميلاً .. و لذلك لم يكتفِ بمجرد الملاحظةؤ
و قد كان لهذا انطباعاً جميلاً 
. . . جعلني في انتظار البأف التالي الذي سيقرر الزواج في عائلتنا :)

بكابورت قلبي طفح

مضطرين أن نخالط المخابيل
أحذية ذات رُقيّ مزيف
فساتين مصنوعة من أقمشة رخيصة
أقمشة لزجة تجعلهم يبدون ككائنات رخوية أحادية الخلية تختلف فقط في اللون
أحدها أحمر, آخر أسود .. آخر أسود لكنه بكرانيش تساعِد على السباحة والإندماج في المحيط, كلها تشترك في اللزوجة اللازمة لمثل هذه المواقف
و كلها ممتزجة داخل حوض السمك الذي يتوسط القاعة
كُل هذا يجعلك تشعر بالغرابة و بأنك سنجاب سقط وسط الطحالب
كلهم سعداء بشكل يثير ريبتك حول "عدم اندماجك" .. هل أنت طبيعي !!!!
ضوضاء عارمة
أغاني يتفق الكل على مدي مناسبتها للحدث
فالكل يعرف ماذا يفعل حينما يُقال "هاتي بوسة يا بت" فتجدهم يُشيرون بنفس الطريقة و في نفس الاتجاه بتجانس عجيب الشكل تجاوباً مع كل كلمة يقولها المغني الفاضِل (جاية من فضلات يعني)
أجواء سعيدة تصيبني باكتآب بعيد المدى
فكرة حزينة تطعن الذين آثروا العيش بمفردهم من الأمام في صدورهم
لماذا ترفض الارتباط والالتزام تجاه أي شئ .. هل ترفض أم أنك لا تستطيع أم أنه لا يوجد من يقبلك
لماذا أنت مشوّه
لماذا أنت غريب الأطوار بهذا الشكل
هل كل هؤلاء مخابيل !؟
أُحِب مراقبة المكان من خلال أدخنة غليوني
أفتقد غليوني
أفتقد السكينة في هذا المكان المبهرج
و أفتقد الصُحبة  
أجفف الأفكار التي سالت على ملامحي
و أنظر حولي لأبحث عن شئ يمكنني الاندماج معه
فأجده .. شاب طويل القامة في أوائل الثلاثينات, رأس أصلع من الأمام, ذقن غير حليقة, يرتدي قميص بدرجة من درجات الأخضر الراقِ, بنطال بيج, حزام سميك, حذاء مصمم لمشي مسافات طويلة و ليس لركوب السيارات .. أهم ما في الأمر أنه كان يربط شعره للخلف فيما نسميه نحن "ديل حصان"
يجلس معي على نفس الطاولة المستديرة لم أشعر به حينما أتى, لقد كانت كل المقاعد ممتلئة بأقاربي .. فقط قبل أن يُجبر الكل على الرقص عنوة على سبيل المجاملة
لم نلتقِ من قبل لكنني كنت ألمح عدم اندماجه طيلة الوقت
و بغير أن يرفع عينه تجاهي يقول:
جيت أتكلم معاكي بس لقيتك سرحانة
لا أُجيد الحديث مع الغرباء لأنني أخشى أن أبدوا حمقاء فألتزم الاحتفاظ بتعليقاتي بعض الشئ .. أبتلع ريقي و أتمتم ببعض الجمل القليلة التي تضمن استمرار الحوار
مُضطرين أنا و هو أن نُخالِط المخابيل
يأتي الجميع مغمورون بعَرَق السنين إثر صراع الحضارات الذي كان يدور خلال ساعات حول العريسين
فيقف, و يقترب قليلاً و يلقِ نظرة سريعة على فتحة بجانب فستاني الطويل و يقول قبل أن يذهب
فستانِك حِلو 
ليترك أنطباعاً جميلاً لأمسية سخيفة سُخف التنين المُجنّح
* * * 
برضه أنا أساساً من الأول قررت اني هسافر و أعيش لوحدي و افتح ماخور صغير أسترزق منه
أمال ايه الي جاب السيرة دي دلوقتي !!!!!
فاكرين بنت عمتي الي اتخطبت في شهر 1 الي فات, ووراها بنت عمي, و بعدهم ولاد عمي -التاني- الاتنين خطبوا و اخويا اللي لسة بيدور على شقة
"عن المراحيض و عشان الصورة تطلع حلوة"
كل العالم دي خلاص أنتهوا من آداء فترة الخطوبة الرسمية "6 شهور" و بيتجوزوا دلوقتي :S (ماعدا إبن عمي الصغير علشان فكّ إكمنه خطب بعد قصة حب سنتين)
آه والمصحف الفرق بين الفرح والتاني اسبوع علشان على آخر الصيف يكونوا صلّحوا الصرف و ركبوا مواسير جديدة و محابس علشان الصرف ينزل في التواليت .. الي هو المِرحاض يعني عدم المؤاخذة
اللهم اخرب بيتنا احنا يا شيخ  D:

9626 شتاءً

The Gunners Dream

الملابس ذات الأكمام الطويلة
والملابس الثقيلة و الصوفية و الفراء
القفازات والجوارب سميكة الفتيلة
والأحذية الشتوية
و الأوشحة ذات الشراشف
والمعاطف
كلها أحرقتها
قبل أن ينقضي الشتاء الماضي
لأنه لا  يمر علي شتاء آخر
ولا مرة أخرى واحدة
ملأت حقائبي بملابس خفيفة و قُبعات ملونة
و بعض الأشياء الضرورية للبيات
وفتات الذكريات
شريط كاسيت قارئة الفنجان لعبد الحليم 
بعض قشر البندُق
علبة شوكلاتة بالويسكي فارغة يرجع تاريخها إلي 2010 
تصريح زيارة خاص بالمستشفى الجامعي الجديد "غرفة 602" يعود إلى عام 2011
ديوان "ناقصة حتة" لِـ علي سلامة
فستان لونه أحمر داكن و به فيونكة بيضاء
تذكرة دخول نادي الضباط كتب أحدهم خلفها "ذكرى الأيام الخوالي" و مضى إسمه
خطاب شُكر من أحد مرضاي 
خطابات شُكر من دفعات الكلية التي كنت بها 
سنجاب صغير
ورقة خط لي عليها أحدهم إيماله
ورقة سُكّر خالي السعرات الحرارية فارغة و ممزقة
كارت يحكي عن أول تأسيس لصناعة السيجار في أسبانيا 
ورقة منزوعة من على زجاجة ستيلا
 فاتورة بيرة من محل درينكز
نتيجة دورة استيماشن فاز فيها أحدهم بِـ زيرو كينج
كتاب مذكرات الأرقش ذو غلاف خلفي مهترء
غيرها أحرقت خلفي ما يقرب من 9626 يوماً من الذكريات حتى لا تغتالني من خلف بعد الرحيل 
و لن يكون أي شتاء جاف آخر في حياتي
رغم البرد و رغم كثافة الأمطار
لا شيئ يحرق كالشتاء

hafra7 far7a mafre7tahash mn wana 3andy 10 seneen lama gebt 3arabya be remote betmshy le7ad 100 w msh 3aref kam metr :D

قياس قطر الثُقب الموجود بداخل صديقي

 I need my soul-mate

I feel a hole in my chest that you can fill it

I have no doubt 

ذلك الثُقب .. هو منطقة في روح صديقي تحوي كُتلة كبيرة داخل حجم صغير، والذي عند الوصول إليه تبدأ الكُتلة بالانضغاط تحت تأثير جاذبيتها الخاصة، ويحدث فيها انهيار من نوع خاص بفعل الجاذبية, ينتج عن القوة العكسية للانفجار، حيث أن هذه القوة تضغط صديقي وتجعله صغيرًا جدًا وذا جاذبية قوية خارقة .. لدرجة تجعله أحياناً يزداد كثافة (لزوجة بمعنى أصحّ)، و تُصبح قوّة جاذبيته شديدة إلى درجة تجذب أي جسم يمر بالقرب منه
محاولة قياس قُطر ذلك الثُقب هو هوايتي المفضّلة كل مساء
 أوليس هذا أكثر قيمة من قياس قُطر الثقب الأسود الذي استنفذ العلماء بحثاً عنه و لم نحصل على شئ سوى رقم تم إضافته إلى موسوعة ويكيبيديا
أسمع صوت حذائه على درجات منزلي في الثالثة صباحاً .. أُدرِك من حركة المفاتيح بالباب أن هناك شئ ليس على ما يرام
تعال يا صديقي لنجعل كل شئ يصبح بخير
أطبع قُبلة مُحايدة فوق جبينه, يدّي تعرف جيداً ما يجب عليها فعله حين أتركها فوق صدرٍه المُجهد
يحتاج إلى كلمات مسترخية كالماء الفاتر تُطفئ احتراق نسيج عقله
بالطبع ليس إلى أي نصيحة ولا كلمة واحِدة, هو بالفعل يعرف كل شئ و قادِر على فعل كل شئ, أثِق في هذا
يحتاج فقط أن يرى ذلك الشخص الذي يكونه معي
فقط إلى زراعيّ
إلى منطقة دافئة .. هادئة في عالم شديد السرعة و البؤس
تترنح الكلمات على شفتيه قبل أن لا يعرف ماذا يقول فيُؤثِر النوم على صدري صامتاً
أُغلِق بأصابعي شفتيه ليكف عن المحاولة .. فقط فلتسترح الآن بداخلي و لنتحدث غداً و لنجعل كل شئ على ما يرام في الصباح
يُغلِق عينيه و يهدأ الاحتراق أخيراً فلا أُبصِر سوى بقايا أدخنة و جزء منه بات أسود اللون
تنتظم أنفاسه فوق حبات العرق التي اختارت المبيت بين نهدي
آخذ نفساً عميقاً و تبتسم أعماقي بشدة لأنني (على غير عادة البشر) وجدت رفيق روحي و لم أتجاهل هذا
أُحرك إصبعي على جانب وجهه لينام, بينما أنشغل أنا في محاولات قياس اتساع ذلك الثقب الذي في صدره
لم أعرف حتى هذه اللحظة لماذا أُحِبه أكثر حينما يوقِظني عند ساعات الفجر.... ربما لأنه يفعل هذا منذ أول يوم عرفني بغير أن يعرف أحدنا لماذا ليست هناك حواجز يجب تخطيها
فقط فلنتحدث إلى ذلك الشخص الذي عرفناه منذ ساعات لأننا نريد هذا
و نحتاج هذا
و أنه ليس لدينا مانع من الظهور ضعفاء و مجانين .. لأنه ببساطه
ليست هناك حواجز  

عيش وغد تموت مسرور

حينما كُنت وغداً في ملابس أُنثى

زمان .. قوي قوي قبل ما أكون وغد بالطريقة الي فوق هنا, كان عندي مشاعر أمومة و قابلية للارتباط و حاجات البشر دي
كنت باقرا كتير في التربية و علم نفس الأطفال و في المراهقة والعلاقات علشان ماعقدش ولادي ولا جوزي
ياريت لو في أي حد بيفكر يتجوز يعرف ان ده مش مجرد فرح و شهر عسل و تعيش ندل تموت مستور و تقول هتتقضّى .. لأ مش بتتقضى سعادتك اسألني أنا
كنت شايلة مسؤلية ده لأن ده كان الاختيار الوحيد الي قدامي وقتها .. ماكنتش أعرفني كويس وماكنتش بناقش فكرة ان المرأة تابع مش كائن منفصل, و كنت متخيلة أن في حد ممكن يعرفني كويس, و أعرفه لنفس الدرجة و نحب نفضل في وِش بعض باقي الـ 40 أو 50 سنة في حياتنا
زمان لما كنت متخيلة أني ممكن أتجوز كنت بفكّر بنظرية هنيدي

مين اللي نازل كع و مين يشيل الهم مين؟
مين الي ياكل يع عشان ناكل مم مين؟ 

هنيدي بيقول بابا :D حدِّش جاب سيرة ماما في حاجة :D 
كنت واخدة فكرتي عن نفسي من المجتمع الي حوليا, مكانش ليا طموح في أي حاجة غير عيلة أفرادها مش مجانين 
كلام زالفل والله .. آه والله ده كان رأيي زمان

علشان كنت مُغفّلة

رأيي دلوقتي .. رأي الشخصي في الكلام ده بعد ما ابتديت أعرف نفسي و يبقى ليا طموح مستقِل

 المشاعر والعلاقات والرتباطات والالتزامات والعائلة و عَقد الزواج نفسه....... كل هذا الهري سوف يجعلك تحرق أعصابك في المساء و تتقيأها صباحاً
لهذا, فالأكثر راحة أن نتخذ لحياتنا مبدأ **أم البشر جميعاً يلا نَفسي
نعم هذا مريح جداً و أسبابي في رفض الزواج و إنجاب الأطفال منطقية إلى حد مرعب

و فقط ... حينما يأتي و نبدأ فقرة المغامرات من كل يوم و يقول بغير رائحة الرومانسية (لما نعجّز و نفتكر كل الي كنا بنعمله ده في وقت البلد فيه ظروفها كده هتبقى حاجة فشيخة) و هذا يوم آخر من الأيام الجميلة .. لذلك, و فقط

إبحث عن الشخص المناسب ---> ده أساسي
و عيش وغد تموت مسرور ---> أنت و الي حواليك يا معلّم

We're Better off being together

The nights are getting darker

And there's no peace inside

So why make our lives harder

Cause I've been there before

And you've been there before

But together we can be alright

Cause when it gets dark and when it gets cold

We hold each other till we see the sunlight

I can tell you're tired of being lonely

Take my hand don't let go

Come to me So I can make it alright til' the morning

 I promise that I'll do all I can

Things will get better if you just hold my hand

Hold My Hand

مواقع التواصل ما بين السلبي و الأكثر سلبية

 

ده السلبي
بعض الجرذان يعطون لأنفسهم الحق أن يقتحموا أى بروفايل لأنه اعجبهم أو فلنقل استفزهم بالدرجة الكافية, تلك المخلوقات أصبح فى منهم فى كل حتة و من كل نوع

هناك مثلا من يعتقد اننى حمقاء أو أن مكتوب فى بروفايلى من برة انى بكلم الناس الهبلة فيبعت يقوللى:
 ازي حضرتك انا بجد اسف على طريقتي بس والله العظيم انا معجب بحضرتك جدا ونفسي اتعرف عليكي وتعرفيني واعرفك, وربنا يكرمنا ويحصل بينا نصيب وقبول يارب وعارف انك مستغربة بس بجد انا كل اللي عاوزه منك انك تديني بس فرصة مش اكتر. وانا عاوز اتقدملك ونتخطب ان شاء الله, مستنى رد حضرتك
حضرتـــك !!! هأأو .. عبيطة أنا يا حسين
هأقوله لأ مستغربة ازاى دى حاجة عادية جدا بتحصل كل يوم ده فى خمسة تانى اتعرفت عليهم بنفس الطريقة بس للأسف محصلش نصيب و يارب يحصل بينا نصيب ان شاء الله
واكلمه كل يوم بليل وافضل سهرانة قدام صورة بروفايله واجيب وردة حمرة أقطع ورقها حصل قبول .. محصلش

وهناك نوع أخر وهذا يعتقد اننى بتاعة الكلام ده ودكها و أى كلام يجى فى سكتى فيقول:
 هاى انا اسمى ايهاب رامى توفيق 38 سنة بشتغل مهندس من القاهرة اصلا لكن حاليا عايش ومقيم فى الغردقه من شهرين لان شغلى اتنقل هناك انا شوفت صورتك على الفيس بوك وبجد انتى اموره جدا ممكن اعرف اميلك ونبقى اصدقاء؟
من ساعة ما جيت هنا وانا هفرقع لانى اليوم كله اما فى الشغل او البيت بكلم نفسى لانى عايش هنا لوحدى او بلف بعربيتى فى الغردقة علشان احفظها او بدخل نت علشان الاقى حد اكلمه فلو حضرتك تحبى نتعرف ونكون اصدقاء ده شىء يسعدنى ويشرفنى ايميلى هو.............
أنا مليش أصدقاء هنا لسة وبعد ما بخلص شغل بفضل زهقان لحد بليل, بليز هنتظر منك الرد بموافقه او رافضه اوكى
وميرسى جدا 
يا رووووحي .. أصدقاء, ايه العثل ده .. أنا بعيط من كتر تأثُري بالموقف
هيصعب عليا أنا بقى واحجز أول طيارة للغردقة, اروح أطبطب عليه وآخده من إيده, انزّله الشارع, أعرّفه على عمو البقال, واشتريله كورة كفر واعملّه اصحاب
والنبي يا خوانا لو في حد رايح الغردقة قريب يدور على واحد اسمه ايهاب رامى توفيق بيلف بعربيته في الشوارع يمكن يقدر ينقذة من الانحراف انتم عارفين الشباب في السن ده معرصين .. قصدي معرضين للإدمان :D

لكن ورغم كل هذا هناك آخرون لا استطيع ان اجزم هويتهم أو ماذا يريدون:
 enti magnona 3alla fekra just joke .. dema3'ek 7elwa awi we moftakasa awi awi .. ana metabe3 a3malek 3alla fekra mn zman .. begad enti ezay keda ?!!! .. enti mesh momken begad .. enti dema3` begad eslobek to7fa we ra2e3 .. we tab3an bayen gedan en dammek 5afef .. ana mesh ba3akes 3alla fekra .. bas ana kan lazem abdi e3gabi be el eftekasat de .. we begad ana asef law kont motatafel 3aleki .. enti ra2e3a 
ده زي أنا مش إخوان بس بحترمهم !! ما علينا, رديت بِـ شكراً .. وبعد كام يوم
ezayek ya (my name) .. ta taa taaa lol .. tab3an enti mesta3`raba ana 3ereft (my name) da ezay .. enti ya (my nick name) betet3amli ma3a a7`tar gehaz mo7`abarat 3alla mostawa el ke-razza .. 2oulili 3amalti eah fe emte7anatek ta2reban kan 3andek emte7an fe a5er 10 3amalti eah
إيـــه !!! ليــــــــــه؟؟؟ فعلا!!! ... طيــب
اذا كان الناس الي في اسكندرية هنا ميعرفوش أسمي الحقيقي و بينادوني بِـ 3 أسامي مختلفة ... و هو كاتب انه من القاهرة !!!
المفروض أرد عليه ازاي .. أقع من طولي و أنبهر بقى و كته !!!
 
ناهيكم عن نوع آخر من الرسائل عجزت كل كلماتى والكلمات البذيئة التي تعلمتها من صديقي عن وصف محتواها
داس اصحابها بأقدام متسخة على كل المبادئ والأخلاق التى يعترف بها أقل المستويات الآدمية فى العالم .. لن اكتب لكم أمثلة منعاً للإسفاف
 علىّ الطلاق بالتلاتة مرة واحد بعتلي الرسالة دي ( أنا مش فاهم حاجة خالص من الي انتي كاتباه) .. واحد مافيش بيني و بينه أي حاجة كومن ولا جروب واحد حتى, و فضل يبعتلي انه مش فاهم الإنفو بتاعي لحد ما عملتله بلوك
ليه لما ألاقي رسالة من حد معرفوش مش بفتحها أساساً و لما أبعت رسالة لحد ميعرفنيش كويس بابقى عارفة أنه غالباً مش هيفتحها
ليه ممكن واحدة متحطش صورتها و تحط بدالها صورة جردل
ليه ممكن حد يفضّل يكون سيزيف بدل هويته الحقيقية و يعمل دي آكتيفاشن مثلاً
أو مش هكدب عليكم موضوع سيزيف ده ليه أبعاد تاني كتير تخلي الحياة أريح منغير فاس بوك .. و ده الأكثر سلبية

الأكثر سلبية
لازمته إيه بقى كل الهري ده عالصبح !!!
ولا حاجة
الكبت المصري أبو الأجنبي .. يلعن أبو الابتذال .. إبداع حقيقي في ابتذال العلاقات في وقت قياسي
احنا ابتذلنا كل شئ محتاجينه من أجل مجتمع سوي, العلاقات والحب والجنس .. احنا ابتذلنا الابتذال لحد ما بقى الكلام عنه مبتذل جداً D: D: D:
التواصل !!! ... في مليون طريقة أكثر دِفئاً و بتخلي الذكريات حيّة مش مجرد كام كوبي لرسالة أو برينت سكرين لكونفرساشن 
 الكلام بيوصل بين أي اتنين عن طريق 3 حاجات
7% الكلام الي بيتقال نفسه
38% طريقة الكلام و الصوت الي اتقال بيهم
55% حركة الجسم وقتها
ليه تاخد 7% لما ممكن تاخد الـ 100 كلهم أو على الأقل 45
عايز تكلم حد هتكلمه و مش هتلاقي ساعتها أعزار, مش عايز تكلمه يبقى اشتري دماغك, عايز تكلمه بس هو قافل على نفسه و عامل فيها حزين سيبه لحد ما يعرف ان الله حق و بينله أنك مهتم تشوفه و تسمع صوته لما يكون جاهز لده
أعمل مجهود في العلاقات الي تهمك و كفاية مزاولة لنفسك مع ناس متهمكش للدرجة
اعمل مجهود في انك تسجّل اللحظات الي تستاهل صور أو فيديو و تبعتهم للناس الي يهمك بجد تشاركهم كل ده, منغير بقى ما تنزّلهم للخمسميت friend و follower الي عندك و تستنى اللايكات كل نص ساعة و تقيّم من خلالها شكلك ووقفتك و ضحكتك و هدومك وبالتالي آدائك بعد كده هيختلف على حسب عدد اللايكات و تعاملك مع الناس هيختلف على حسب مين الي سابولك تعليقات لطيفة تحت الصور
عند 90% من البشر الفاس بوك بقى "بس" بيخدم مراقبة الناس أو على الجانب التاني التعبير عن النفس سواء المشاعر أو الآراء بشكل مُـجَـمَـد
كأنك بتاكل معلبات أو فراخ مجمدة بدل ما تشتري الحاجة طازة 
خليك راجل كفاية أنك تعبر عن ده بصوتك .. و في المكان والوقت المفيد مش طول الوقت و في أي حتة و مع كل الناس
استخدم نباهتك المحدودة في إنك تعرف البشر من ملامحهم و انفعالاتهم مش من الاستاتيوسز الي عاملينلها لايك
سهل قوي تعرف البشر من اندفاعاتهم لو شغلت مخك شوية
بالذات لو في أي حاجة مختلفة في حياتك زي أن مايكونش عندك فاس بوك أو حاطط تاتو على دراعك

5 خطوات لتجنب تجميد حياتك
أعمل ديآكتيفاشن
أبزل مجهود في العلاقات الي يهمك تحافظ عليها و خلي ذكرياتك حيّة
وفّر المجهود المفقود وسط الزحمة
اتعامل مع البشر من خلال أجسامهم و ملامحهم مش من خلال بروفايلاتهم
خليك راجل و متخافش تعبّر عن نفسك أو تسأل حد عن مشاعره أو رأيه وجهاً لوجه .. أشرب بيرل يا جدع مش غالية D: