اني مش الي كنتها
و اني معرفش هابقى ايه
واني ماليش حقيقة واحدة أحلف عليها
وانا بعمل ايه !!
و بهبب الي بعمله ده ليه
بقالي بالظبط كده شهرين إلا كام يوم مش عارفة أي حاجة عن كل حاجة تهمني
بتسرع و بتصرف من غير أي ضِل للتفكير في مخي المشلول من ساعتها
كأنه بقى سيراميك الفكرة أول ما تحط رجلها تتزحلق
طب والعمل !!
قتل الهبل و الغباء و الهيستيريا والثقة و الاعتمادية والـ ـ .. والمشاعر
المشاعر
فوضة المشاعر مشكلتي الأزلية
المشكلة انها لُكشة واحدة .. متلازمة سخيفة تصيب الكائنات المهووسة بالمشاعر كلهم بغباء التفكير
المشــــــــاعر
أقتلها تبكي و تنتحب و أعيش أنا .. و حبة حبة تنبعث فيا و تعيش معايا و تتوجد بغباء يشلّني
مخي المريض لا يحتمل
كل انفعال بيهدّني
طب والعمل !!!
قتل انفعالي بكل شئ بيشدني
وارجع أنا
أنا الي هي تبقى مين
دانا مش الي كنتها
و ماليش حقيقة واحدة أحلف عليها
أنا الي هاختارها أنا على حسب هوصل لإيه
منا لازم أوصل, هاعمل ايه !!
ليست هناك تعليقات:
إرسال تعليق