قصيرة الفتيلة سريعة الانفجار

قاربت على الانتهاء من هذه المذكرة, يومين وانا اتصفح اوراقها المكدسة بالمعلومات التي لا أجادل في أهميتها .. اخيرا خطوات قليلة تفصل بينى وبين حلمى الذى بات بعيدا .. متى افتح واقطع واربط واقص فأنقذ حياة انسان .. لدى احلام كثيرة اخرى, ورقة ممتلئة باحلام قضيت طفولتى فى تجميعها مع صديقتى وكان هذا اكثرها صعوبة, احلاما تبدأ بان اربى كلبا و تنتهى بالموت من اجل انقاذ احدهم

صديقتى لم اعد اراها الآن, خريجة فنون جميلة تزوجت بزميلها المنكوش ايضا "دافيد" ولديها طفلين "جيرى و جوناثان" .. لكنها لا تعمل
- الو
-يـــــــاه ازيــــك واحشانى قوى عاملة ايه
-أنا بامووووت .. انتى ايه اخبارك؟
-أنا مطحونة برضه
-بقالى كتيير مقابلتش حد, فين باقى الناس عاملين ايه؟ مبكلمش حد بقالى فتره و افتكرت دلوقتى ايام ما كنا.....
فجأة تحدف صديقتى سماعة التليفون واسمع صوت ركضها وصوت صراخ طفل
تعود صديقتى: معلش اصلى سمعت "جيرى" بتعيط اتخضيت

-جيرى .. مالها خير؟؟؟

- بقالها فترة من ساعة ما رجعنا من شرم وهى بتقوم من النوم تعيط, من ساعة ما حاولت تنزل المية وافتكرت نفسها هتغرق, فاكرة .. انا حكيتلك
-بانيك اتتاك أيوه
-آااااه .. بيموّت ده؟؟
-لأ لأ متقلقيش كلها كام يوم تانى وهتبقى كويسة .. عملتى اللى قلتلك عليه فى موضوع "جوناثان" ده؟
-لأ, دايفد مش مقتنع, بيقوللى لازم اللبن كان هو اللى بايظ
-سيبك منه ووديه لدكتور اطفال
-احنا هنقعد نتكلم عن العيال ولا ايه .. طمنينى عليكى انتى بقيتى فى سنة كام دلوقتى؟
-أخر سنة خلااااص هــــانت .. انتى اخبارك ايه
-مبسوطة قوى .. امبارح خرجت مع دافيد وعدينا على الأماكن اللى كنا بنروحها واحنا لسة بنحب بعض فى الكلية, وافتكرت ساعة ما الفرشة بتاعتى اتكسرت ليلة الامتحان وكلمته عشان يجيبلى فرشة معاه قبل الامتحان تانى يوم, استنيته قبل اللجنة لقيته جايبلى ورده, كانت اول مرة يقوللى "بحبك" .. ألو. ألوووو ..رحتى فيـــن

-معلش كان لازم آخد دوا الحموضة بتاعى، .. وبطنى واجعانى والرست بتاعى خلص, هاقفل دلوقتى و ابقى اكلمك بعد ما اخلص امتحانات, بـــاى

-ربنا معاكى .. بـــاى
دقيقتين من البحلقة فى السقف ثم....
-الو ..
-ايوة .. ازيــــك؟؟؟ عاملة ايه؟؟؟
-نشكر ربنا, انت ايه اخبارك
-كويس, ذاكرتى علشان امتحان الراوند بكرة؟
بذاكر اهه، بس الهامر بتاعتى اتكسرت, ممكن تجيبلى معاك واحدة بكرة الصبح قبل الامتحان

اتكسر ازاى يعنى !! وبعدين هو بكرة فى كلينيكال؟؟؟
-لاء لاء خلاص, متاخدش فى بالك خالص, ده دوا الحموضة باين عليه مشتغلش, اشوفك بكرة بقى, بــاى
-ربنا معاكى, استريحى شوية عشان شكلك تعبانة, بــاى

el Hummer: شاكوش معدن بنكشف بيه في طب :D مبيتكسرش يعني :D