دي أنا
و ده رئيس العصابة الي هلف علية و أخليه يتجوزني علشان آخد إقامة D:
تأملت في كل تلك الأهداف العظيمة السامية
ثُم .. في هوية ذلك الشخص المُمِل الذي أكسبها صفة السمو و بأي حق فعل ذلك و .. لماذا !!! هل هو يعاني مثلاً من أحد أنواع الشلل, يمنعه عن فعل شئ آخر أكثر جدوى
تعجبت من مصداقية الصواب والخطأ .. تعجبت من أن أحداً لا يجادلها على الرغم من أن الجميع يزعمون الجهل بهم
لن أجادلها أنا الآن فتلك صراعات الأغبياء الذين يبحثون عن إجابات لأسئلتهم في المراجِع و بين مذَكِرات الأوَلين
لن أجادلها الآن ولا لاحقاً لأن نشوة الهروب من المألوف والتقليدي قد تملّكتني تماماً
نشوة اختيار الدرب الأكثر مخاطرة
المشي عارية في هذا الدرب الوعِر الغير مستقر بغير يقين عن احتمالات النهايات التي قد يؤدي اليها
تأملت شكل الدراجة البخارية السوداء التي سأشتريها و شكل السلاح الناري الذي سيَنحَشِر في جيبي الخلفي يوماً من الأيام
حينها أدركت إن مافيش ديلر بيصحى قبل الساعة 12 في حين ان كل باقي البشر الأغبية عندهم شغل أو غياب, و من الساعة 7 تلاقي الشوارع طفحت بني آدمين
و إن أيام الاسبوع ثلاثة فقط
و إن ربع الترامادول بيكفي يومين أول مرة و يوم واحد تاني مرة
و إن أساساً الترامادول الي في البلد مضروب اليومين دول
و اني هسافر برة و أفتح عصابة كبيـــــــرة وابيع مخدرات و سلاح
علم النفس مبقاش جايب همه
كان كل هذا حينما تغيرت مواصفات فتى أحلامي من جرّاح إلى ديلر أو رئيس عصابة
واشتغل بليل في بار و الصبح "مرات رئيس عصابة"
كان هذا حينما أدمنت المغامرة والحياة الغير مستقرة
أدمنت حقاً .. حينما غرقت في عمقهما و شرودهما بغير طريقٍ واضحٍ للعودة
حينما خرجت هذه التساؤلات من فمي بصوتٍ مسموع علمت أنني كنت غائبة لساعات والبرشامة هي التي كانت تتحدث
فلم أنتظر أن يجيبني أحد . . . .. ....
الخروج من رحم الى رحم اخر ،هو ليس شيئاً فى تطور الانسان.الانتقال من عبودية لأخرى ليس الا تغييراً نوعياً للخراء ذاته.
ردحذفالقطبين اشد قبحاً و اكثر تجرداً من ان يصلحا للحياة، او للفلسفة ، او لاضفاء اى سمو عليهما.
انتي عندك نفس نوع الشلل الي بتكلم عليه فوق :D :D ايه الكلام الكبير ده ... أنا كتبت دي عشانك أساساً بعد كلام امبارح :)
ردحذفلم نُخلَق لنكون عبيداً لشئ سوى لذواتنا, الشئ الوحيد الذي يستحق الحب .. وقد وجدت ذاتي هناك :)
أُدرك جيداً أن الألم قد يكون عنيفاً .. لكنني أُيقِن أن النشوة تكون بنفس القدر :) و قد اخترت بكامل قوايا العقلية .. أن أغرق
اخترت أن أغرق حتى آخر خلية
الاغراق فى المبالغة بالضبط كغرق نملة فى كوب ماء : من الممكن لو انسكبت تلك الكمية الشحيحة من الماء على منضدة لما اغرقت النملة.و يمكننى حشو اشد المسائل سطحية فى العالم فى وعاء فتكتسب عمقاً ليس فيها.
ردحذفاليوم ذهبت الى مكان عتيق حيث النادل ثمل او فاقد الوعى ، بائساً جداً فى غيبوبته. تأملته و ارتجفت رعباً: كم نحن ضعفاء ، و كم نبدو كالمهرجين حين ندعى سيطرتنا على الأمور.
أنا لا أدعي السيطرة, السيطرة هي الي بتدعيني :D :D
ردحذفأنا مش مسيطرة على حاجة و مش بحاول أقول كده
أنا بقول اني تحت تأثير إدمان معين
و تحت ضعف واحتياج بيتحكم في كل حاجة
و اني اختارت الاختلاف و المشي عكس كل تيار أقابله .. بس هقول ذيادة عالكلام اني تحت تهديد السلاح دلوقتي مش بكامل قوايا العقلية :D
في حاجات كتير واخدة مصداقية عالفاضي
أنا برفض ده .. بس كته :)
ايه الي يخلي الشغل و تكوين اسرة أكثر سمواً من عيشة الغجر والعربدة لو انتي في وسط اللايف ستايل ده لسة محتفظة بسمو أهدافِك كإنسانة ؟؟؟
هو مين قال لازم ؟ و مين قال اسمى ؟ مفيش حاجة مطلقة، لكن الاختلاف لغرض الاختلاف هو تنميط و قولبة و كليشيه فى حد ذاته. انا دلوقتى لا عايزة اتجوز ولا انيل ،و مش عايزة حياتى تبقى بائسة ولا عايزة اعتمد نفسياً على حد او على حاجة. انا عايزة اعمل اللى يريحنى من غير سفسطة. من غير متكون نوعية الحياة بتهددنى .الموضوع بتلك البساطة.مش هانفضل نعيد تسمية الحاجات عشان تبان اعمق مما هى عليه.
ردحذفوحياة الست الوالدة هو ده الي بقوله فوق :D بس الفكرة اني عايزة نوعية الحياة الي تهددني ... أنا عايز الحياة الي تاخدني في حتة أنا مش عايزة أروحها :D :D
ردحذفالاختلاف بين كلامي فوق و كلامك ده اني ابتديت أعيش ده وانتي لسة و انني حددت الي هيريحني ده يطلع إيه وانتي لأ و بعد ما حددته عملت إطار همايوني حوالين لقطة معينة و الإطار جاب تفاصيل والتفاصيل جابت مسدس في جيب شورت جينز قصير على ضهر موتوسيكل أسود :D
ده الي هيريحني منغير سفسطة و منغير إعادة تسمية
مش شرط يتحقق :) بس آديني قلت الي في نفسي و آمنت بفكرتي لدرجة البداية في تنفيذها
العقبة الوحيدة دلوقتي اني لازم أخس :D :D ممكن أجيب سكينة و أقطع بيها الكرش و أخلص :DDDDD